ياد ڪيو جڏهن آسمان ڦاٽندو .

(ياد ڪر) جڏهن آسمان ڦاٽندو

جڏهن آسمان ڦاٽي پوندو.

۽ ڪن ڏئي ٻڌندو پنهنجي رب جو امر ۽ حق به آهي .

۽ پنهنجي پاليندڙ جو حڪم ٻڌندو ۽ ان کي حڪم ٻڌڻ لازمي آهي

۽ پنھنجي پالڻھار جي حڪم کي غور سان ٻڌندو. مٿس حڪم تي عمل ڪرڻ لازمي آهي.

۽ جڏهن زمين ڇڪي وڏي ڪئي ويندي .

۽ جڏهن زمين ڇڪبي

جڏهن زمين کي (هموار ڪري) ڦھلايو ويندو.

۽ اڇلائي ڪڍندي اهو جو ان ۾ آهي ۽ خالي ٿيندي .

۽ جيڪي منجهس آهي سو اڇلائيندي ۽ خالي ٿيندي

ان جي اندر جو ڪجهه آهي سڀ ٻاهر ڪڍي خالي ٿي ويندي.

۽ ڪن ڏئي ٻڌندي پنهنجي رب جو امر ۽ حق به آهي .

۽ پنهنجي پاليندڙ جو حڪم ٻڌندي ۽ ان کي حڪم ٻڌڻ لازمي آهي

مٿس پالڻهار جي اُن حڪم تي عمل ڪرڻ لازمي آهي.

اي انسان! بيشڪ تون ڪوشش ڪندڙ آهين پنهنجي رب ڏانهن ڪوشش ڪرڻ پوءِ ان سان ملندڙ آهين .

اي انسان! تون پنهنجي پاليندڙ (کي ملڻ) تائين گهڻي ڪوشش ڪرڻ وارو آهين پوءِ تون ان کي ملندين

اي انسان! تون (دنيا جي) جاکوڙ ڪندي (غير محسوس طريقي سان زوريءَ) پنھنجي پالڻھار ڏانھن وڃي رهيو آهين آخرڪار تون اُن سان وڃي ملندين.

پوءِ پر جيڪو ڏنو ويو پنهنجو عملنامو پنهنجي سڄي هٿ ۾ .

پوءِ جنهن کي سندن (عملن جو) ڪتاب سندس ساڄي هٿ ۾ ڏنو ويندو

(ان ڏينھن) جنھن کي پنھنجو اعمال نامو ساڄي هٿ ۾ ڏنو ويو.

پوءِ جلد حساب ڪيو ويندو حساب آسان .

تنهن کان آسان حساب ورتو ويندو

ته ان کان عنقريب هلڪو حساب ورتو ويندو.

۽ موٽندو پنهنجي اهل ڏانهن خوش ٿي .

۽ هو پنهنجي گهر وارن ڏي خوش ٿي موٽندو

۽ هو پنھنجي گهر وارن ڏانھن خوشيءَ سان موٽندو.

۽ پر جيڪو ڏنو ويندو پنهنجو عملنامو پويان پٺيءَ پنهنجي .

۽ جنهن کي سندس (عملن جو) ڪتاب سندس پٺيءَ پٺيان ڏنو ويندو

(اُن ڏينھن) جنھن کي پنھنجو اعمال نامو پُٺيءَ جي پويان ڏنو ويندو.

پوءِ جلد طلب ڪندو موت .

سو “مري ويس مري ويس” ڪري دانهون ڪندو

ته هو فوراً موت کي ياد ڪندو.

۽ داخل ٿيندو ٻرندڙ باهه ۾ .

۽ باهه ۾ گهڙندو

(پر) ان کي (جهنم جي) باهه ۾ اڇلايو ويندو.

بيشڪ اهو هو پنهنجي اهل ۾ خوش .

ڇو ته هو (دنيا ۾ ) پنهنجي گهروارن ۾ خوش هو

بيشڪ هو دنيا (جي زندگيءَ) ۾ پنھنجي گهر وارن سان ڏاڍو خوش رهندو هو.

بيشڪ ان گمان ڪيو هو ته هر گز نه موٽندو .

بيشڪ ان خيال ڪيو هو ته هو ڪڏهن به (الله ڏي) ڪين موٽندو

هو سمجهي رهيو هو ته هو ڪڏهن به (الله تعالى ڏانهن) نه موٽندو.

هائو بيشڪ ان جو رب آهي ان کي ڏسندڙ .

اهڙيءَ طرح نه آهي ان کي ته سندس پاليندڙ ڏسندڙ هو

(ڇو نه موٽندو!) بيشڪ هو هر وقت پنھنجي پالڻھار جي نظر ۾ آهي.

پوءِ قسم کڻان ٿو مان شفق جو .

پوءِ قسم آهي شفق جو

پوءِ مان شفق (يعني سج لٿي کان پوءِ ظاهر ٿيندڙ ڳاڙهاڻ) جو قسم کڻان ٿو.

۽ رات جو جيڪو گڏ ڪيائين .

۽ رات جو ۽ انهن (تارن) جو جن کي گڏ ڪيو اٿس

۽ رات جو ۽ انهن شين جو قسم کڻان ٿو جيڪي رات جو ئي ظاهر ٿينديون آهن.

۽ چنڊ جو جڏهن پورو ٿئي ٿو .

۽ چنڊ جو جڏهن برابر (گول) ٿئي ٿو

۽ چوڏهين رات جي چنڊ جو به قسم کڻان ٿو.

ته البته ضرور چڙهندؤ منزل کان منزل ڏانهن .

ته اوهين هڪڙي حال کان لنگهي ٻئي حال ٿي ضرور ايندؤ

ته توهان هڪ حالت کان ٻي حالت ڏانھن ضرور هلندا رهندا.

پوءِ ڇا آهي انهن کي جو ايمان نه ٿا آڻين .

پوءِ انهن کي ڇا ٿيو جو ايمان نه ٿا آڻين

(انهن سڄي حقيقتن کان) پوءِ اُنهن ماڻهن کي ڇا ٿي ويو آهي جو هو ايمان نٿا آڻين؟